2010年9月29日 星期三

轉載:物業的議價/成交

網誌分類:磚頭攻略 |
網誌日期:2009-11-14 08:54
轉載 SOURCE:  http://hk.myblog.yahoo.com/f12131406/article?mid=2&prev=4&next=-1

1.        
最難的時刻到左, 就係議價, 你記住一點, 你唔會直接同業主議價, 你會長期同經紀鬥爭, 個經紀經驗比你多好多, 經紀會有好多古怪的招數, 你千奇唔好心急, 特別現在係用家市, 跌市中, 你千奇唔好急. 慢慢等筍盤.

2.        
你最好先花三個月周圍睇, 選定地點和那些入圍屋苑後, 叫幾個唔同的經紀幫你留意荀盤. 荀盤一定會有, 好似釣魚一樣. 低市價10-15%已經係好唔錯的盤, 會好多人爭.

3.        
計算市價時,最容易是比較成交記錄. 往往會發現有d超平和超貴的成交, 通常是同有無靚裝修和連唔連車位等等有關, 所以唔好太http://www.gov.hk/tc/residents/housing/private/homeowners.htm
著意那些超平和超貴的成交, 先取中位數先, 然後慢慢考慮其他景觀層數的問題, 再考慮現在買賣氣氛(升市or趺市), 得出心目中的市價. 係趺市中, 賣家想賣到市價, 買家會等低水10%, 相反係升市中, 處境是倒轉.

4.        
經紀常用的策略是...同你講層樓好多人睇, 對方就快落訂, 叫你去追價或提高叫價. 你要用自己的常識的判斷, 如果個價唔係特別荀 (折讓>6% 以上), 基本上都唔會有人同你爭, 你慢慢來, 個經紀心急過你, 第一口還價應該係低市價15%(唔好理業主的開價, 自己計市價), 慢慢來, 目標是低市價10%左右, 最後能夠低5%成交算係唔錯.

5.        
當你知道買賣雙方的價錢相差不多於五萬 (200萬的樓計), 你就知道真正的戲肉才剛開始. 頭一個禮拜, 要寸步不讓, 叫經紀減佣, 叫業主再低d... 當然呢d手法係趺市/平市中會有效, 係升市上, 炒家搶貨, 你無可能慢慢來議價.

6.        
最後階段時, 如果賣家急住要錢你便可以趁火打劫. 你可以假裝問如果要買樓, 二個半月成交期可唔可以, 因為自己需要時間調錢, 如果佢話無問題, d賣家唔係等住要錢換樓, 我諗你仲可以等等, 佢唔容易降價. 作為準買家想搵好盤, 一定要可以係幾日內集齊一成首期, 搵按揭都係可以好快, 這樣的話你一遇荀盤(急的賣家), 便可以馬上行動. 最急的應該是'換樓客', 其次係真移民客, 特別係d鬼佬, 賣完樓唔再回港.

7.        
市區, 特別是中上環/中半山的樓價和其他區是好唔同, 他們的樓價同香港的經濟表現有直接的關係, 相反其他地區的樓則主要睇供求的關係.
8.        
樓價另一個可以參考的是估租價,   層樓愈有升值潛力, i.e. 豪宅/新樓, 個租值係相對較低, 只有三厘至四厘幾, 廿年樓應該有五厘至六厘, 三十五年以上的樓會有八厘以上. 仲有近中環的樓, 租值是特別好. 總括來說, 如果你唔想煩, 要買d幾新的樓 (五年內), 先計計佢本身的租值, 能夠有五厘半以上的租金回報, 我個人認為這層樓是非常之值得買, 若果低過四厘半的話, 我是不會考慮.

沒有留言:

張貼留言